Portada d’un manuau d’instruccions d’usatge. Projector NIC, SA. Cine NIC. Barcelona, 1931-1950.
Era magia de hèr cinèma non se redusic solament a un petit cercle de professionaus o d’adults, tanben se fabriquèren aparelhs pensadi e construïdi entà èster utilizadi pes mainatges.
Eth prumèr gran joguet cinematografic, per difusion e popularitat, siguec un aparelh creat e produsit en Catalonha pera enterpresa Proyectores NIC, SA. Comercializat damb eth nòm de Cine NIC, siguec patentat en Barcelona eth 25 d’abriu de 1931 pes frairs Tomàs e Josep M. Nicolau Griñó. Consistie en un simple projector d’imatges qu’auie solament un moviment de dus temps. Eth succès deth Cine NIC siguec categoric, tanben a escala internacionau, a on se veneren nombrosi brevets der aparelh. Aguest succès provoquèc que d’autes enterpreses, sustot catalanes e valencianes, comencèssen a fabricar tanben es sòns pròpris modèls de projectors destinadi ath public infantil.
Eth Cine NIC e d’auti projectors similars supausèren entà fòrça mainatges descorbir era magia de poder hèr cinèma.
