Cercaire de musèus e localitats

Musèu deth Cau Ferrat

Retrat der escultor Carles Mani

Retrat der escultor Carles Mani, Santiago Rusiñol, 1895, París, òli sus tela. Musèu deth Cau Ferrat.

Retrat der escultor Carles Mani, Santiago Rusiñol, 1895, París, òli sus tela. Musèu deth Cau Ferrat.

Aguest quadre non siguec jamès expausat en vida der autor. Er an 1981 gessec deth Cau Ferrat peth prumèr còp. Eth Retrat der escultor Carles Mani ei sense cap sòrta de dobte un des mès inquietants de toti es que pintèc Rusiñol. Era tension dera cara, eth guardar maufidant e era portada maugraciosa deth personatge mos mòstren er òme taciturn e tormentat e, ath madeish temps, er artista incomprenut e maudit que tostemp siguec Mani. Rusiñol lo representèc de miei còs, seigut en ua cagira e damb eth braç esquèr apiejat en dorsièr. Era fisionomia ombrivòla der escultor e era giqueta nera que vestís se retalhen sus un gausard hons bicolor, format pes tons vermelhosi dera paret e era vana auriòla, ua color clarament inspirada en auriòu dera indumentària deth Sant Pèir d’Eth Greco.

Rusiñol coneishec Carles Mani e eth sòn amic eth pintor Pere Ferran en París. Mani recebec er an 1894 ua borsa dera Deputacion de Tarragona e decidic compartir-la damb Ferran, çò que hec que toti dus acabèssen passant ua aventura d’autentica misèria dera quau les sauvèc Rusiñol.

scroll to top icon