Mòble escritòri, darrèr quatau deth sègle XVI-principis deth sègle XVII, Castelha, husta de noguèra, pin e albar, damb aplicacions de hèr hargat. Musèu deth Cau Ferrat.
Aguest escritòri de dus còssi siguec fabricat entre eth darrèr quatau deth sègle XVI e er inici deth sègle XVII. Ei hèt de husta de noguèra, pin, albar e hèr hargat.
Maugrat era sobrietat decorativa, ei pro clara era influéncia deth classicisme dera Reneishença italiana interpretat ja laguens deth manierisme.
Maugrat qu’eth nòm indique era accion concrèta d’escríuer, es escritòris o cabinets èren mòbles fondamentaument contenedors que servien tà sauvar-i tota sòrta d’objèctes petiti, papèrs e documents. Era tapa abatible dificilament pòt sostier eth pes que supòrte ua taula d’escritòri. Açò non vò díder que, en cèrtes escadences, non servisse tà escríuer, per çò qu’enes calaishi inferiors i a taques de tinta.
