Maternitat

Manolo Hugué executèc en guish Era Maternitat —era unica des sues òbres prumerenques que s’a conservat— entre 1897 e 1900, pendent un des sejorns que hec en Cadaqués, en casa dera familha Pichot. Alexandre Riera —amic e protector de Manolo— aqueric era pèça, mès posteriorament l’escambièc damb Rusiñol per un des sòns quadres. D’aguesta manèra, era escultura entrèc a hèr part dera colleccion deth Cau Ferrat, a on mès tà deuant entrarie tanben Bailaòra flamenca, un diboish a creion carbon, acolorit, hèt per Manolo Hugué de cap a 1906-1908, e que se pòt contemplar en burèu deth pintor.