Caps des anarquistes detengudi damb motiu der atemptat en Teatre deth Licèu, Santiago Rusiñol, c. 1893, Barcelona, creion carbon sus papèr. Musèu deth Cau Ferrat.
Compausen aguesta òbra vint-e-ueit diboishi en carbonilha distribuïdi e traçadi per Santiago Rusiñol ar entorn der an 1894.
Es diboishi remeten ar atemptat anarquista deth 7 de noveme de 1893 en Gran Teatre deth Licèu de Barcelona, un des eveniments mès espectacularament sangonosi que siguec un trebolament tàs «bones familhes» dera Barcelona de finaus deth sègle XIX.
Des dues bombes de tipe Orsini que Santiago Salvador Franch lancèc ara platea deth Licèu, n’esclatèc sonque ua, mès provoquèc era mòrt de mès de vint persones e ne heric fòrça mès.
Es personatges retratadi per Rusiñol son bèri uns des detengudi pera policia coma suspèctes d’auer collaborat en aguest acte.
