En aguesta òbra, se pòt observar era grana qualitat tecnica e cromatica de Ramon Casas ena recèrca dera integracion dera figura en ambient, en aguest cas, un pati blu de Sitges, a compdar dera observacion des rics efèctes des arrais de lutz que incidissen sus còssi e ròbes.
Tà Ramon Casas, eth mon ère ua impression cromatica, e aguesta concepcion lo pòrte a arténher matisi d’extraordinària riquesa, damb es quaus presente resultats fòrça atractius. Era qualitat des tonalitats rosades dera cara femenina e deth blanc deth vestit hèn que, pera sua manèra de hèr, a finaus des ans ueitanta, siguesse definit coma impressionista.