Dijaus Sant en Pollença (Malhòrca), Santiago Rusiñol, 1902, òli sus tela. Musèu deth Cau Ferrat.
Ena vida de Rusiñol, Malhòrca se convertic en un endret estretament unit ara sua personalitat, e auec un lòc destacat tant laguens dera sua òbra de pintor coma ena d’escrivan.
Aguesta òbra ei un païsatge urban contemplat dempús dera nautor. Ath miei dera composicion, s’i dèishe veir un carrèr per a on camine un cortègi de gent que ges dera glèisa de Pollença damb candeles enes mans. Aguesta incorporacion li servís tanben tà umanizar eth conjunt, qu’ei çò que tanben cerque quan pinte eth hum que ges des humenèges.
Era dramatizacion hè a brembar bères solucions d’Eth Greco.
