Era Sala deth sorgent, era mès alègra e luminosa deth Cau Ferrat, deu eth sòn nòm ath poladèr de bateg gotic que la presidís. Proven der ancian uart dera ermita deth Vinyet e siguec aquiu a on, abans d’aquerir-lo, Rusiñol la representèc en ua des sues prumères teles sitgetanes titoladaEth uart deth Vinyet , qu’aué se pòt contemplar en Gran Salon. Mès tà deuant, quan era òbra ja ère en Cau, la representèc nauament en un retrat que hec ara sua hilha, Maria Rusiñol. Sus eth poladèr deth sorgent i a era Viròla deth poth, òbra de Pablo Gargallo donada pera sua veuda ath musèu er an 1935.
Era sala lòtge tanben bona part dera colleccion de ceramica e tota era colleccion d’objèctes arqueologics: engüentaris, ramelades, amulets, etc. Plaçada en tres vitrines, era colleccion conten es nombrosi objèctes de veire e tèrra coduda procedenti des excavacions que Rusiñol hec en jaciment punic deth Puig des Molins en Eivissa er an 1912.
Vau era pena destacar es dus estudis de nus realizadi per Ramon Casas e era vintea de diboishi aquarelladi hèti per Maria Rusiñol, hilha deth pintor