Burèu de Santiago Rusiñol.
Eth burèu o cramba de trabalh ei era sala des rebrembes per excelléncia. S’i consèrven objèctes relacionadi damb diuèrsi moments importants dera vida de Santiago Rusiñol.
S’i pòt veir era branca de laurèr de hèr hargat que recebec damb motiu deth vint-e-cincau anniversari dera fondacion deth Cau Ferrat, coma tanben ua paleta damb sies pincèus que dèc era sua veuda.
D’un aute costat, era sala lòtge un piano Bernareggi, que siguec protagonista des fòrça velhades musicaus que se debanèren en Cau Ferrat en cambiament des sègles XIX e XX. I joguèren, entre d’auti, Enric Granados, Eugène Ysaye, Enric Morera, Isaac Albéniz, Ernest Chausson e Manuel de Falla.
Ei ací a on se depause eth ram de hlors fresques que, gràcies ara Associació del Ram de Tot l’Any a Rusiñol, acompanhe er artista de manèra permanenta. Integrada per un abondiu grop de hemnes e mainades dera poblacion, era associacion neishec de manèra espontanèa eth 1933, enes vegilhes dera inauguracion deth musèu, quan un grop de gojates sitgetanes decidiren portar diàriament un ram de hlors ath Cau Ferrat coma testimòni de perpetua gratitud ar artista.
