Conjunt de ròba interiora femenina de coton, format per camiseta de punt canalet de color crua, damb dubertura frontau barrada damb botons de nacre, e cotilhon de punt lis damb tres franges orizontaus entà dar forma acampanada en baish, cordada ara centura mejançant ua cinta. Totes dues pèces son ua mòstra dera produccion en qué s’especializèc era comarca deth Maresme dempús de finaus deth sègle XIX, que portèren a Mataró a arténher era capitalitat deth districte especializat en teishut brocat, atau coma es East Midlands (Anglatèrra), Tròias (França), o Chemnitz (Alemanha).