Eth canerader ei un aparelh de mesura utilizat entà formar cabdèths o madèishes d’ua determinada longor, damb es que se calcule era espessor des hius, mejançant era relacion entre era longor e eth pes. Ena fabricacion de teishut de punt ei fòrça important determinar es diferentes caracteristiques deth hiu entà poder avalorar era sua idoneïtat entara aplicacion que s’a de destinar. Es fabriques de teishut brocat incorporauen abituaument un laboratòri a on s’avaloraue entre d’auti: era espessor, eth tipe de torsion e era resisténcia mecanica des hius que se deuien utilizar entà fabricar cada pèça de ròba.