Telèr circular de recuelhuda de petit diamètre entà tèisher miches, que permet tèisher jacquard, micromalha, indesmalhable, diboish e esclarissat.
Eth fabricant d’aguesta maquina, Emili Albo, fondèc era enterpresa en Mataró er an 1943, en plen periòde d’autarquia economica, dempús dera Guèrra Civiu espanhòla (1936-1939). Er ascens des talhèrs de fabricacion de maquinària texila en Mataró coïncidic damb ua fòrta demanda deth sector entà modernizar er aparelh productiu. Era qualitat des maquines que se construïen ena ciutat ère reconeishuda mondiaument e s’exportauen tà Euròpa, Asia e America.