Vista generau der encastre 6. Musèu de Mataró. Can Marfà Gènere de Punt.
Es prumèrs decennis dempús dera Guèrra Civiu (1936-1939), era politica d’autarquia e es conseqüéncies dera guèrra aboquen eth país ar escrancament economic. I auie enòrmes dificultats entà importar matèries prumères, maquinària e recambis. Açò favoric eth creishement d’iniciatiues empresariaus tà suplir es mancances. Er an 1945 nèish eth Grèmi de Constructors de Maquinària entà Teishuts de Punt, ua generacion d’engenhaires enterpreneires, de tornèrs, fresaires, delineants e soudaires, que pendent era autarquia respon as besonhs deth país. Er ascens des talhèrs de fabricacion de maquinària textila coïncidís damb ua fòrta demanda deth sector entà modernizar er aparelh productiu. Era qualitat des maquines que se construïssen en Mataró ei reconeishuda mondiaument e s’expòrte tàs Estats Units, Gran Bretanha, França, Japon…
