Vista der espaci dedicat ara produccion de ròba de banh e cauçataria, c. 1920. Musèu de Mataró. Can Marfà Gènere de Punt.
Era neutralitat espanhòla pendent era Prumèra Guèrra Mondiau (1914-1918) compòrte ua naua oportunitat entath creishement dera industria deth punt en Catalonha: es exportacions se doblen e artenhen prètzi nauti. Eth mercat s’agranís en païsi com: França, Argentina, Panamà, Uruguai, Cuba e Veneçuèla, as quaus mès tard s’i ahigerà Egipte, eth Marròc e Itàlia, e es beneficis, a cuert tèrme, son fòrça importants. Era fin deth conflicte signifique eth retorn ara normalitat e eth rencontre dera competéncia des granes poténcies en mercat internacionau. Se produsís un gran cambiament enes mentalitats, se trinque damb fòrça normes tradicionaus, tanben en encastre deth vestiment. Mentre desapareishen es capèths de dormir e es calçotets longui, se comencen a fabricar miches listades, tricòts, vestits de banh e conjunts esportius.
