Can Marfà ei er espaci expositiu deth Musèu de Mataró dedicat ara industria deth teishut brocat, era activitat industriau qu’a dat singularitat e identitat ara ciutat. Ei plaçat en ua des naus dera anciana fabrica Marfà, era mès importanta der Estat espanhòu en teishut brocat abans de 1936.
D’un punt d’enguarda arquitectonic, ei un conjunt d’estil manchesterian, bastit entre 1880 e 1881. Eth prumèr estatge acuelh era exposicion de referéncia: Mataró, capitau deth teishut brocat que desvolòpe eth tresau èish museografic deth Musèu de Mataró, e ei ua mòstra dera portada tematica e cronologica des colleccions qu’era Fondacion Jaume Vilaseca a recuperat e cedit ara ciutat damb era tòca de preservar era memòria d’ua industria que a patit es conseqüéncies des crisis deth textil.
Er embaish acuelh era programacion d’exposicions temporaus, er espaci didactic e era sala d’actes, a on se desvolòpen activitats e talhèrs sus era istòria dera industria, era tecnica, eth dessenh e era mòda.
Entrada gratuïta
Dijaus e diuendres de 17 a 20 h; dissabtes, d’11 a 14 h e de 17 a 20 h; dimenges e hestius d’11 a 14 h
Visites entà grops, prealabla concertacion: 937 412 930
Barrat es dies 1 e 6 de gèr, Diuendres Sant, 1 de mai, 24 de junh, 27 de junhsèga, 15 d’agost, 11 de seteme, 25 e 26 de deseme
En tren:
Damb Rodalies Renfe R1 e RG1
En autobús dirècte per autopista:
- Barcelona - Mataró Centre, linha e11.1 Bus exprés
- Barcelona - Mataró Nòrd, linha e11.2: Bus exprés
- Bellaterra UAB - Mataró, linha C5: Empresa Casas - Grop Sarbús
- Sabadell - Granollers - Mataró, linha e13 (anciana 555): Bus exprés
En coche:
Pera autopista C-32, gessudes Mataró Sud, Mataró Oèst e Mataró Nòrd, o pera carretèra N-II.
Pera autopista AP-7, gessuda Mataró/C-60.
Des de Granollers, C-60, que junh damb era C-32 e damb era N-II.
Autobusi urbans: L3 e L8 (Can Marfà)