Santa Isabèu, era Vèrge Maria, eth Jesuset e sant Joan Baptista, anonim francés, prumèr quart deth sègle XVII, tempera sus evòri. Coll. Dr. Jesús Pérez-Rosales. Musèu de Maricel.
Aguesta òbra requista sus evòri ei un objècte de devocion que represente era Mair de Diu damb eth Mainatge, santa Isabèu e sant Joanet, un argument dera infantesa de Jesús e que preten illustrar ua trobada entre Maria e Jesús e santa Isabèu e sant Joanet ena sua hujuda tà Egipte.
En aguesta òbra er scenari ei un exterior, ath costat d’un mur de pèira en roïnes. Era serenitat de Maria contraste damb era jòia deth Mainatge en recéber eth cosinet. En conjunt, era òbra respire ua atmosfèra de gràcia e alegror.
