Sant Agustí, avesque Sant Francés, Mèstre de Los Balbases (Burgos) (atribuït), finaus deth sègle XV - principi deth sègle XVI, Castelha, tempera sus husta. Coll. Dr. Jesús Pérez-Rosales. Musèu de Maricel.
Des deth punt d’enguarda iconografic, era estigmatizacion de sant Francés d’Assís ei eth passatge mès important dera sua vida e un des mès populars. Era famosa estigmatizacion, era subta impression des sagrades plagues de Crist sus eth còs, es mans, es pès e es costats deth sant, auec lòc ar entorn dera hèsta dera Exaltacion dera Crotz deth 1224.
D’un aute costat, era iconografia de sant Agustin, un des grani pairs dera Glèisa, ei era abituau: de mejana edat e cara imbèrbe, va vestit damb es guarniments pontificaus, empunhe ua cròça mentre sosten era maqueta d’ua glèisa coma fondador.
