Retaule de santa Anna, sant Valèri e sant Vicenç. Neishement dera Vèrge, talhèr de Domingo Ram, glèisa parroquiau de Santa Maria de Maluenda (Saragossa), darrèr quart deth sègle XV, Aragon, tempera sus husta. Musèu de Maricel.
Es fresqui que recurbien es parets des glèises èren autentics libres illustradi qu’explicauen as fidèus es hèts que non sabien liéger enes tèxtes.
Es retaules pictorics complissen era madeisha foncion e son un document grafic preciós entà conéisher visuaument era epòca.
En aguesta taula, santa Anna, era mair de Maria, pause en un lhet damb subercèu qu’ocupe eth centre dera cramba. Sant Joaquim, unica figura masculina, junh es mans en tot dar gràcies ath cèu pera arribada d’aguesta hilha.
Eth pintor a volut rebàter er estat civiu des hemnes a trauès deth cohat, per çò qu’es maridades pòrten es peus corbidi damb còhes, e era unica fradina dèishe veir es sòns peus.
