Era professon de Còrpus, Arcadi Mas i Fondevila, 1887, Sitges, òli sus tela. Hons Cau Ferrat. Musèu de Maricel.
Aguesta òbra d’Arcadi Mas i Fondevila (Barcelona, 1852 - Sitges, 1934) a coma tèma eth moment en qu’era custòdia s’arture deuant dera casa dera familha Catasús, en carrèr de Parellades, a on se trobaue un autar, que s’i auie plaçat damb motiu dera hestivitat deth Còrpus, damb era imatge d’un eccehomo qu’aué se consèrve en santuari deth Vinyet
Eth pintor càmbie era perspectiva deth carrèr e ath madeish temps, en prumèr plan, i place ues rèishes que corresponen a un aute edifici de Sitges: era casa Amell deth carrèr de Sant Pau.
Era òbra siguec definida per Raimon Casellas coma «arrir de color hèt de flors, encens e lutz d’ostiu».
