Vas damb flors, Juan de Arellano (atribuït), c. 1665, Castellha, òli sus tela. Coll. Dr. Jesús Pérez-Rosales. Musèu de Maricel.
Ua analisi en detalh des flors mos mòstre ua tecnica complèxa ena construccion dera color e eth volum, ua autentica leçon de pintura.
Era composicion, hèta en un desorde fòrça estudiat, mòstre exemplars de flors fòrça comunes en florèrs de Juan de Arellano (Santorcaz, Madrid, 1614 - Madrid, 1676): tulipes, clavelhs, anemones, gensemins, mauves e ròses. Bères ues d’aguestes flors, coma es tulipes, èren autentiques raretats en aqueth moment. Soent en aguestes òbres eth pintor amasse en un madeish ram flors qu’ère impossible de veir juntes ath madeish temps pr’amor qu’apareishien en diferentes epòques der an.
Era pintura d’aguest artista se caracterize per usatge de diuèrses colors de basa, segons era varietat cromatica dera flor, çò que non hèn d’auti pintors.
