Es “adelantos” deth sègle XIX, Ramon Casas i Carbó, c. 1901-1902, pisa esmaltada e policromada. Coll. Deering. Musèu de Maricel.
Era majoria d’imatges son de naui engenhs, mès tanben i a representacions de hèts istorics e sociaus. Era preséncia d’un torero o deth jòc de bilhard semblen comentaris sus era importància sociau d’aguestes activitats.
Er usatge que hè Ramon Casas i Carbó (Barcelona, 1866-1932) d’ua iconografia e d’ua tecnica artistica arcaïca entà parlar dera tecnologia mès auançada deth moment permet eth saut ironic qu’illumine era òbra.
Des vint-e-cinc rajòles solament n’i a ua que da ua pista dirècta sus er autor. Se tracte d’ua representacion deth pròpri Casas e d’Utrillo, acompanhadi des paraules «Pèl & Ploma», eth nòm dera revista qu’auien de fondar amassa er an 1899 e qu’apareishec enquiath 1903
