Eth Greco, Josep Reynés Gurguí, 1898, pèira. Hons Cau Ferrat. Musèu de Maricel.
Er an 1896 Santiago Rusiñol impulsèc ua campanha entà requectar hons damb era fin de lheuar eth prumèr monument public dedicat ath celèbre pintor Doménikos Theotokópoulos, Eth Greco, en Sitges.
Era escultura realizada en pèira, òbra der escultor barcelonés Josep Reynés Gurguí (Barcelona, 1850-1926), finançada per soscripcion populara, s’inaugurèc eth 25 d’agost de 1898.
Aguesta iniciativa ei un reflèxe dera importància qu’Eth Greco auec entà artistes coma Santiago Rusiñol o Ramon Pichot, entre autes figures dera intellectualitat dera epòca, que vedien eth pintor grèc coma un esperit liure e era personificacion der artista modèrn.
