Charles Deering encarguèc a Josep Maria Sert (Barcelona, 1874-1945) uns muraus tà decorar era entrada principau deth Maricel de Mar.
Eth conjunt ei format per sies composicions, e era sua estructura narrativa seguís era direccion dreta-quèrra, abituau en Sert. Se exceptam eth prumèr plafon, era narracion a dus encastres: un d’uman, que correspon as principaus hèts, reaus o desiradi, dera Prumèra Guèrra Mondiau, e un de transcendent o imaginari, qu’ei parallèl ath prumèr e soslinhe era accion descrita.
Quan Charles Deering se’n anèc de Sitges er an 1921, s’emportèc es pintures. Ans mès tard, eth colleccionista Dr. Jesús Pérez-Rosales les aqueric e poderen tornar ath lòc originau entath quau auien estat realizades.