Cicle dera vida e deth martiri de sant Bartomèu Apostòl, anonim aragonés, dusau quart deth sègle XIV. Capèla de Sant Bartomèu, adorsada ara cabecèra dera glèisa parroquiau de Sant Cristòfol de Villalba de Perejiles (Saragossa). Musèu de Maricel.
Der apostòl sant Bartomèu se ditz qu’evangelizèc Índia —maugrat que se pense qu’en realitat siguec Arabia—, Mesopotamia e Armenia. Patic eth martiri d’èster escorjat, e aguest ei eth motiu peth quau, ena edat mejana, eth sòn patronatge siguec requerit per un bon nombre de confraries, coma era des adobaires e era des pelissèrs, entre d’autes.
Era seqüéncia dera sua vida figure enes murs dera capèla e ei centrada ena imatge depès deth sant, que sosten damb era man quèrra eth guinhauet deth martiri que lo deishèc sense pèth. A costat e costat deth sant, en tèrra, dus demònis hèn allusion as victòries de sant Bartomèu sus er esperit maligne.
