Prumèr estatge deth Musèu de Maricel.
Eth genre dera natura mòrta obten ua grana acceptacion ena corona ispanica ath long d’aguest periòde, a manèra d’ua pintura amabla e decorativa. Maugrat açò, tanben pòt encarnar eth simbolisme dera vanitas: era reflexion sus era inutilitat des plasers mondins deuant dera certitud dera mòrt.
Era colleccion de ceramica e de mobiliari hè evident era aparicion de naues formes que vien a satisfèr es diuèrsi besonhs neishudi ena societat dera epòca. Calaishères, Mòbles escritòris, miralhs e elements de vaishèra e ornamentacion son era demostracion des cambiaments qu’expliquen ua naua idèa dera vida domestica.
