Cercaire de musèus e localitats

Musèu de Maricel

Eth Dr. Jesús Pérez-Rosales, colleccionista

Planta baisha deth Musèu de Maricel.

Planta baisha deth Musèu de Maricel.

Jesús Pérez-Rosales (Manila, 1896 - Barcelona, 1989) siguec hilh deth darrèr alcalde espanhòu dera capitau des isles Filipines. Estudièc medecina en Barcelona (1915-1920) e s’especializèc en ginecologia e obstetricia, disciplines qu’exercic enquiara sua retrèita. A compdar dera joenessa aqueric pintura e objèctes, principaument dera epòca medievau enquiath sègle XIX, coma tanben art precolombin e orientau, per çò que non desbrembèc jamès es sues origines.

Ath long des ans anèc aqueric importantes òbres de pintura romanica e gotica, ua actitud de colleccionista pòc freqüenta en encastre privat en tot tier en compde qu’es pèces se caracterizen per ua grana qualitat e pes grani formats. Aguestes òbres convertissen era sua colleccion artistica en ua des mès importantes deth país. Era curiositat e es interèssi d’aguest colleccionista preneren camins diferents. Pérez-Rosales auie iniciat era sua colleccion en un moment qu’eth colleccionisme d’art en Catalonha viuie era sua edat d’aur. Era concurréncia entà poder arténher òbres de grana qualitat ère fòrça disputada. En aguestes circonstàncies, sabec constituïr ua colleccion d’òbres importantes e representatives de diferenti periòdes e origines geografiques.

Eth Dr. Jesús Pérez-Rosales hèc donacion dera sua colleccion ara Deputacion de Barcelona er an 1969 damb era tòca de crear eth Musèu de Maricel de Mar, qu’er an següent dauric es pòrtes damb ua mòstra fòrça representativa des sues colleccions.

OBJÈCTES

<p><em>A Eur&ograve;pa li a gessut un gran</em>, Josep M. Sert i Badia, 1916, &ograve;li sus tela. Coll. Dr. Jes&uacute;s P&eacute;rez-Rosales. Mus&egrave;u de Maricel.</p>
A Euròpa li a gessut un gran
A Euròpa li a gessut un gran
scroll to top icon