Aguesta pintura siguec aquerida peth Capítol dera Catedrau de Lhèida eth 1791 en Madrid en enquant public des bens der infant Gabrieu, hilh deth rei Carles III. Ei òbra der alemand Anton Raphaël Mengs, un pintor qu’auec era sua etapa d’esplendor ena cort espanhòla, a on siguec nomentat pintor de cramba deth mencionat monarca. Era composicion seguís dirèctament eth modèl d’ua tela qu’eth madeish pintor executèc entath dormitòri deth rei en Palai Reiau de Madrid.