Glèisa de Sant Laurenç de Lhèida

Era glèisa de Sant Laurenç ei un des monuments emblematics dera ciutat de Lhèida. Plaçada a costat deth musèu, ath miei d’un des barris medievaus damb mès preséncia der artesanat, eth temple ven important pera magnificéncia dera sua arquitectura, ena quau se honen eth romanic e eth gotic; e peth patrimòni que sauve en sòn interior, damb un impressionant conjunt de retaules en pèira dera Escòla de Lhèida deth sègle XIV, e diferentes pintures e escultures gotiques procedentes dera colleccion deth musèu.

I destaque eth retaule major dedicat a sant Laurenç, òbra de Bartomeu de Robió e eth sòn talhèr, que tanben executèc eth de sant Pèir e eth de santa Lúcia. Egaument ei remercable ei eth dedicat a santa Ursula, òbra deth talhèr de Jaume Cascalls. Ena glèisa se consèrve tanben era Mair de Diu des Hilhòus, originària dera Seu Vella de Lhèida, e era Mair de Diu de Saidí, entre d’autes òbres escultoriques. En encastre dera pintura i destaque eth sant Blasi d’Algaió, òbra de Jaume Ferrer II.