Eth bastiment dera desapareishuda glèisa de Sant Joan de Lhèida comencèc pendent es prumèrs ans deth sègle XIII. Ena epòca medievau ère eth principau temple dera ciutat, dempús dera catedrau. Malastrosaments, er an 1868 siguec desrocada.
Mercés as escultures conservades, sabem que era sua decoracion seguie eth repertòri dera Escòla de Lhèida deth sègle XIII. De fòrça nauta qualitat, es sues consòles hèn evident eth naut nivèu des escultors que les realizèren. Tanben hèn evident era sua relacion damb es talhèrs actius ena Seu Vella, concrètament eth que amièc a tèrme es consòles exteriors dera nau centrau.