Crist romanic originari dera glèisa de Perves, òbra emblematica dera imatjaria romanica lheidatana.
Era imatge romanica de Crist crucificat de Perves, datada en sègle XIII, a devengut ua des òbres mès emblematiques dera colleccion d’escultura medievau deth Musèu de Lhèida. Ena sua concepcion globau, remane as caracteristiques estilistiques deth talhèr d’Erill, en tot reprodusir damb ua cèrta fidelitat es deth Crist deth Devarament d’Erill la Vall.
Iconograficament, eth Crist de Perves apòrte formules originaus e innovadores non abituaus laguens dera plastica romanica, coma era sang que rage deth costat dret dera imatge. Aguesta solucion tanben se tròbe en Crist de Manyanet, que compartís damb eth bères solucions formaus.
