Gent de frontèra, un des encastres dera exposicion permanenta deth Musèu de Lhèida.
Enes sègles XI e XII eth territòri feudau fronterèr ère farcit de castèths e tors de güeit, deth temps que ena taifa de Lhèida solament i auie poblats de pagesi que, açò òc, quasi tostemp disposauen d’elements de defensa. Dues manères de compréner era frontèra, dues visions deth mon metudes cara a cara.
Entre es jadiments mès representatius trobam eth tuc de Solibernat, un des pòqui assetaments ruraus d’epòca andalosina catadi en Catalonha. Plaçat naut d’un tucòu e fortificat, ath delà d’èster ua espleitacion agricòla e pagesa autosuficient, servie de punt de güeit e contraròtle.
Laguens deth partit crestian un des personatges mès destacadi siguec Arnau Mir de Tost, eth guardian dera frontèra, un feudatari des comdes d’Urgelh que s’erigic coma un gran senhor dera guèrra. Possedic un gran hilat de tors de güeit e castèths que abastauen un territòri immens. Eth siguec eth proprietari d’un excepcionau jòc d’escacs que a vengut eth vertadèr joièu deth Musèu de Lhèida.
