Pupitre de husta dera sala de cors de mainatjons dera Escòla de Sant Corneli, damb dus calaishi, un banc e dus horats entàs tintèrs. Era escòla s’inaugurèc entre 1918 e 1920, e aué ei era sedença centrau deth Musèu des Mines de Cercs. Aguesta bastissa acuelhie es sales de cors, es minjadors des escolans e era residéncia des monges dera congregacion de Sant Jusèp. Es monges s’ocupèren dera educacion des mainades enquiath 1931, e es caperans, era des mainatges. Pendent es ans dera Dusau Republica sigueren substituïdi per regents laïcs.