Era codina de carbon, coneishuda popularament coma codina economica o “puela”, ère un aparelh domestic indispensable enes larèrs catalans enquia plan entrada era dusau mitat deth sègle XX. A prumèra ora deth maitin, era mestressa de casa alugaue era codina damb huelhes o papèrs e la mantiege alugada tot eth dia, per çò que hège es foncions de codina, horn e cauhatge. Eth principau combustible que s’utilizaue ère eth carbon, que se podie aquerir enes nombroses carboaries que i auie en totes es ciutats.