Musèu des Mines de Cercs

Eth Musèu des Mines de Cercs, dedicat monograficament ath carbon, ei un musèu de tecnica e d’istòria e, ath madeish temps, vò èster un centre d’interpretacion entà explicar e hèr a conéisher es multiples e estretes relacions entre aguest combustible fossil e er entorn geologic, païsatgistic, economic e uman deth Naut Berguedan. Aué, era activitat minèra ena comarca deth Berguedan a desapareishut, per açò eth musèu se definís coma un centre d’interpretacion que relacione era tecnica e era istòria.

Era visita

Era visita ath MMC comence en embaish deth musèu damb era projeccion d’un audiovisuau dedicat a explicar es 140 ans dera minaria en Berguedan e era visita tàs dues sales d’exposicion permanenta: era dedicada ath tèma deth carbon damb objèctes tecnics —caracteristiques deth carbon, sòrtes d’espleitacions, magasèms, talhèrs, transpòrt e usatges e aplicacions—, e era dera vida quotidiana, centrada en tèmes sociaus: era vida ena colònia minèra, eth trabalh des hemnes, eth dispensari e era Escòla, era enterpresa e es trabalhadors e er abitatge minèr.

Era visita contunhe en interior dera mina Sant Roman a on se pòt conéisher mejançant scenografies e en espaci emblematic e originau dera galaria, era evolucion tecnica e es cambiaments enes condicions de trabalh ath long des 150 ans. Es visitaires son introdusits en interior dera galaria damb un camin de hèr minèr e quan s’arribe ath hons dera galaria es visitaires hèn eth trajècte de gessuda a pè, acompanhadi de monitors. Se tracte d’un itinerari cronologic: dempús der an 1861, era epòca deth trabalh manuau, enquias nòsti dies, damb era mecanizacion definitiva dera mina.

INFORMACION

ADREÇA

TARIFES

TELEFÒN

WEB

ORARIS

COM ARRIBAR-I

ADREÇA ELECTRONICA