Eth uart ecologic deth Musèu dera Vida Rurau, construït er an 2014. Musèu dera Vida Rurau.
Un uart ecologic ei un uart trabalhat sense productes quimics ne fertilizants sintetics. Represente ua manèra de víuer en armonia damb er entorn e damb respècte peth patrimòni naturau.
En cada ua d’aguestes parades se pòt observar a compdar deth sistèma d’adaiguatge enquias malons de tenhat pròpri d’un uart amiat a tèrme damb eth metòde de parades en crestall. Es parades s’organizen en faishes de mesures precises, damb ua amplada d’1,5 mètres e ua longada d’apruprètz 3 mètres, e en grops, entà poder hèr era rotacion de coitius en cicles de quate ans.
