Arribant tard ara missa deth poth, Josep Traité, 1990, escultura de tèrra cueta, 34,5 × 21,5 × 27 cm. Musèu dera Vida Rurau.
Representacion restacada damb era tradicionau missa deth poth dera net de Nadau. Ua familha se dirigís a missa. Eth heired e eth vent impacten en tot eth conjunt.
Enes Païses Catalans, eth Nadau comence damb aguesta missa, plea de ressons liturgics e populars, que se celèbre a miejanet.
En bères ues glèises, era missa comence damb eth Cant dera Sibilla, ua des dramatizacions medievaus deth cicle de Nadau que mès arraïtzèren ena Peninsula, sustot en Catalonha. Eth 2010, era UNESCO declarèc eth Cant dera Sibilla de Malhòrca patrimòni culturau immateriau dera umanitat.
