Sala dera mecanizacion.
Era pagesia leguèc ues valors construïdes sus er esfòrç, eth trabalh, er estauvi, era estimacion deth lòc, era conformitat damb es ritmes naturaus deth temps e eth respècte pera tèrra. Frut d’aguestes valors, deishèc uns païsatges caracteristics que, pendent sègles, semblèren inalterables.
Era visita ath musèu abòrde, en aguest punt, un periòde determinant dera nòsta istòria, eth des cambiaments mès prigonds ena estructura economica deth país: aqueth en qué era pauta deth bestiar se pleguèc definitivamens deuant des avantatges des motors d’explosion.
Eth mon dera pagesia, damb ua tradicion de sègles e ues valors fòrça estacades ara subervivença, cambièc en fòrça pòc temps en causa dera mecanizacion deth camp.
Es rendements dera tèrra milhorauen an darrèr an, es cuelhetes èren mès abondiues e rendables, e eth procès de milhora non s’a arturat.
Era industrializacion a comportat fòrça avantatges, mès tanben fòrça inconvenienti. Era peada umana que s’a deishat en camp ei prigonda, e son fòrça es interrogants que se mos presenten.
En sègle XXI, toti depenem deth camp e toti auram de respóner damb era nòsta actitud se volem mantier era salut dera Tèrra e era nòsta en bon estat.
