Es veirines mòstren, damb un cambiament de lutz, ua fòto d’epòca ath dehòra e, laguens, es airines.
Barbèrs, sartes, pastissèrs, mèstres, mossens e apotecaris, entre auti mestièrs e professions, heren qu’era vida des pòbles siguesse mès comòda e benestant. Bèri uns procurèren salut e educacion, d’auti heren a créisher inquietuds culturaus e era estima entre es persones. Tanben i auie aqueri que contribuïren ara bona convivéncia entre es persones e aqueres que adociren era vida damb paraules, minjars, sons o hèstes.
Per aguest madeish estatge s’accedie, enquia que s’agranic eth musèu er an 2009, ar ancian musèu. En concrèt, pera pòrta que da ath carrèr d’en Canós, que ère tanben era anciana entrada ara farmacia dera familha Carulla, fondada er an 1704.
Un magnific murau de Llucià Navarro reprodusís era anciana apotecaria, non pas a compdar de cap fotografia, mès d’un vielh diboish hèt per un excursionista reusenc. Er espaci conten pèces fòrça precioses restacades damb eth mestièr: mortèrs entà elaborar es formules magistraus, ua rica colleccion de pòts de farmacia, mòstres de Vigorina ―eth reforçant muscular creat pera familha―, etc.
En aguest estatge tanben podem préner consciéncia dera importància deth teishut associatiu deth pòble e dera importància de bères professions que s’i includien.
