Ua des scenografies deth musèu: era codina d’ua casa pairau.
Es formes de vida dera pagesia condicionèren tant era distribucion des espacis der abitatge coma es usatges de cada estança. Eth larèr siguec tostemp eth centre dera casa pairau e, ath sòn torn, se desvolopauen eth trabalh diari des hemnes, es jòcs dera mainadèra, era alimentacion e era convivéncia familhau. Er estatge lheuat sus eth larèr se reservaue, sustot, entàs crambes, a on eth còs se caperaue o se descaperaue, se vestie o se desvestie, se desvelhaue o s’endormie.
E, pr’amor qu’era casa ère escura e eth dia se volie long, calec trobar uns engenhs entà alongar era jornada de solei a solei e aumplir totes es ores deth dia.
Era casa contiege tot aquerò de besonh entara vida quotidiana: eth mobiliari, eth vestit, es utisi casolans, diferenti aparelhs entara illuminacion, etc. Toti aguesti aspèctes se relacionen damb es costums familhaus, hestius e religiosi, e damb es trabalhs domestics.
Abans de baishar pera escala ar estatge inferior, eth visitaire pòt contemplar un murau elaborat per Llucià Navarro sus eth vesin Reiau Monastèri de Santa Maria de Poblet.
