Vista panoràmica dera sala dedicada as tres grani coitius deth país: vinha, forment e olivera.
Dempús de hè mès de dus millenaris, es coitius predominanti deth país ―e, per extension, de tot eth litorau mediterranèu― an estat era olivèra, eth forment e era vinha. Es sòns fruts an proporcionat tres productes alimentaris basics: er òli, era haria e eth vin. Entà obtier-les, era pagesia se servic d’airines e engenhs pensadi entà invertir mens esfòrci en trabalh e entà trèir eth maxim rendement tant des cuelhetes coma dera sua transformacion.
Açò se pòt veir en musèu damb audiovisuaus e era exposicion des airines e es recipients emplegadi tradicionaument pera pagesia. Arades, crivèus, alambics, premses, mòles, tremuèges, etc. conviuen armonicament damb quate fantastics audiovisuaus.
Es projeccions mòstren toti es cicles des coitius, a compdar dera preparacion dera tèrra entara semençalha enquiara recuelhuda des fruts. Tanben coma se produsien era haria, er òli e eth vin, tres productes que pendent tant de temps an estat non solament era principau e antiquissima manèra de guanhar-se era vida entà tantes familhes pageses, mès tanben era hònt primordiau d’aliment entara rèsta dera poblacion.
