Es presèps

Ena sala des presèps i a installadi 11 diorames que constituïssen un magnific exemple dera tradicion presepistica deth país. Es situacions representades van a compdar dera intimitat casolana tara ora de hèr cagar era soca de Nadau enquiara hujuda tà Egipte. Un mon minuscul, dotat d’acuelhedores penombres e de contralutzes iuernaus.

Hèr eth presèp, que represente era neishença de Jèsus, ei ua tradicion dera societat catalana. Enes diorames ací installadi, totun, i a tot tipe de scènes diferentes, sustot dedicades ath cicle nadalenc, mès tanben a autes tradicions e costumes. Eth presèp recep aguest nòm pr’amor que, segons era Bíblia, quan eth Mainatge neishec en estable lo meteren laguens d’ua minjadora d’animaus nomentada presèp.

Era costuma de representar era neishença de Jèsus pendent eth temps nadalenc, de reprodusir-lo escenicament a trauès de personatges viui o de figures plastiques, ei ua tradicion fòrça arraïtzada en Catalonha. Ath delà, eth presèp catalan a ua figura pròpria, eth caganèr, damb ua origina que se remonte ath sègle XVIII.

Es òbres installades en aguesta sala an estat elaborades per diferentes agropacions presepistes deth país.