Vila de Balaguer

Era conquèsta dera ciutat andalusina per part deth comte d'Urgell, er an 1105, supausèc era roeina deth nuclèu urban e era emigracion dera poblacion andalusina. Era ciutat non se recuperèc enquias inicis deth sègle XIV, damb era entrada deth casal de Barcelona ath front deth comtat d'Urgell, que suposèc un gran impuls e un seguit d'òbres publiques com era glèisa de Santa Maria, eth pònt e eth portau de Sant Miquèu, eth monastèri de Sant Domènec... qu’apolidiren era vila e qu’an diboishat era fisonomia qu’a arribat enquiara actualitat.

Un dusau hèt aguec ua repercussion capitau ena organizacion urbana: era senténcia d'Alfons eth Benigne segontes era quau es judius auien de víuer amassa, mès dehòra dera clauson dera muralha. Açò supausèc era creacion deth barri judiu, que se bastic en uns terrens ath sud deth mercadal que s’includiren laguens deth nau clauson muralhat. Damb era conquèsta de Balaguer per part deth rei Ferran d'Antequera e era desaparicion deth comtat d'Urgell, era vila s’incorporèc ara corona d'Aragon e s’inicièc era transicion cap ara edat modèrna.