Eth hisn, o castèth, de Balaguer, represente eth centre deth poder, autant ena epòca andalusina com ena epòca comtau. Deth moment andalusin, cau remercar-ne es plastrères que decorauen eth palai taifa (bastit a mejans deth sègle XI) e que representen un des pògui conjunts dera arquitectura islamica d'aquera epòca ena peninsula Iberica, comparables damb es rèstes dera Aljaferia de Saragossa o era Alcassaba de Màlaga. Elements vegetaus, zoomorfs e epigrafics s’entrelacen en un entramat d’arcuacions polilobulades que consèrven rèstes dera pintura originau, hèta a base de lapislatzuli d’Afganistan o vermelh de cinabri, entre d’auti.
Dempús dera conquèsta feudau dera ciutat, eth palai se convertic en residéncia des comtes d’Urgell. De mejans deth sègle XIV, cau remercar es reformes que heren es comtes en palai, des quaus s’an conservat quauqu’uns des elements de decoracion arquitectonica o es rèstes dera vaishèra comuna e de luxe (ceramica de rebat metallic de Manises) a on es conduccions d'aigua des jardins deth palai des comtes d'Urgell, realizades a base de carrelatges e rajòles blues de Manises-Paterna.