Explique eth marc territoriau e politic dera Marca Superior d'Al-Àndalus e es comtats catalans.
Jos eth títol Al-Àndalus i el comtat d'Urgell, s'explique eth marc territoriau e politic deth que siguec era Marca Superiora d'Al-Àndalus e es comtats catalans, hènt especiau mencion ath component sociau e ideologic des tres cultures que conviuren en Al-Àndalus: musulmans, cristians e judius. A compdar des rèstes arqueologiques exposades, s'incidís ena cultura materiau pròpia deth mon andalusí e deth mon feudau representada peth comtat d’Urgell.
Entre es materiaus exposadi, subergés eth conjunt arqueologic ispanovisigòt deth poblat deth Bovalar (Seròs), possiblament eth conjunt d'inicis deth sègle VIII mès important de Catalonha, e entre eth quau trobam ua grana representacion de ceramiques, esturments deth camp, ua hivelha de correja, ua copa de veire e un conjunt monetari. Er encastre parle tanben dera conquèsta feudau e presente es imatges qu’an arribat enquia nosati des comtes d’Urgell, ja siguen pintades o esculpides, com eth sarcofag des hilhs d’Alfons eth Benigne e Teresa d’Entença, deth mèstre Aloi de Montbrai.
