Colleccion de guitarres deth musèu, considerada entre es milhores deth mon. Fotografia de Rafael Vargas.
A finaus deth sègle XVI, es guitarres e es vriòles de man dera Reneishença se transformèren en un esturment mès simple e versatil. Joan Carles i Amat er an 1586 publiquèc eth prumèr tractat de guitarra coneishut. I descriu es dues manères de jogar era guitarra de cinc ordes: era castelhana e era catalana. Damb sies còrdes, er esturment auec ua grana difusion en sègle XVIII; venguec bon entara musica mès sofisticada e tanben entà hèr barar e acompanhar cançons.
