Planta baisha deth Museu de la Conca Dellà.
En aguest espaci ei plaçada era zòna de recepcion des visitants, era oficina d’informacion toristica, era botiga deth musèu e era presentacion dera Conca Dellà.
Mejançant ua maqueta dera zòna e uns plafons luminosi, damb es diferenti lòcs d’interès ordenadi per nuclèus de poblacion, se mòstren es caracteristiques fondamentaus deth marc geografic e era riquesa culturau e naturau dera Conca Dellà.
En aguest espaci i a tanben ua colona estratigrafica, a on se pòden observar es diferenti sediments que trobam ena Conca Dellà des de hè aproximativament 255 milions d’ans enquiara actualitat.
Tanben ena planta baisha, ara dreta dera entrada, i a ua ara romana, utilizada supausadament entà hèr sacrificis. A man esquèrra podem observar er antic truèlh dera casa, utilizat anticament tà caushigar er arradim. Actuaument eth truèlh ei tapat damb veires tà dar lòc ath punt d’informacion deth Centre d’Observació de l’Univers, a on se pòt trobar un ordinador tà consultar era plana web deth Montsec e un audiovisuau en quau se mòstre un petit resum de çò que podetz veir en Centre d’Observació de l’Univers.
