Aguest ei eth prumèr dinosaure que s'a descrit en Catalonha, ena fin deth sègle passat. Aguest dinosaure erbivòr viuie en grops e freqüentaue es mairs des arrius cretacèus.
Era reconstruccion que se pòt veir ei eth frut dera collaboracion entre era sciéncia e er art. Es proporcions deth còs an estat obtengudes a compdar dera mesura des diuèrsi uassi recuperadi. Era forma e dispausicion des pès s’a establit gràcies as nombroses peades fossils que deishèren aguesti animaus. Fin finau, aspèctes coma era forma deth crani o er aspècte dera pèth s’an basat en fossils d'autes espècies de dinosaures fòrça propères ath Pararhabdodon.
