Museu de la Conca Dellà

Eth Museu de la Conca Dellà ei er escenari d'un apassionant viatge en temps qu’aufrís era possibilitat de descorbir ua contrada que temps endarrèr siguec aucupada pes romans e, fòrça abans, abitada pes dinosaures.

Eth musèu ei estructurat en quate encastres:

Planta baisha: Presentacion dera Conca Dellà

Aguest espaci mos mòstre, mejançant ua maqueta dera zòna e uns plafons damb es diferenti lòcs d’interès ordenadi per nuclèus de poblacion, es caracteristiques fondamentaus deth marc geografic e era riquesa culturau e naturau dera Conca.

Prumèra planta: Eth temps des romans

Era sala dedicada as romans mos permet hèr un recorrut cronologic dera evolucion dera ciutat romana d’Aeso.

Segona planta: Eth temps des dinosaures

Mos situam ara hè aproximativament 70 milions d’ans. En aguest moment, quan es Pirenèus tot just començauen a lheuar-se, era tèrra ère plan diferenta dera actualitat.

Cerèr: Eth vin dera Conca

En cerèr se pòden observar uns plafons explicatius dera istòria deth vin ena Conca.

INFORMACION

ADREÇA

Carrer del Museu, 4
25650 Isona
Isona i Conca Dellà  (Pallars Jussà)

TARIFES

Tarifa generau: 3,50 €.

Tarifa redusida: 2,50 €.

TELEFÒN

+34 973 665 062

WEB

http://www.parc-cretaci.com

ORARIS

Der 1 de juriòl ath 15 de seteme: de dimars a dissabte, de 11.00 a 14.00 e de 17.00 a 19.00 ores; dimenge, de 11.00 a 14.00 ores

Deth 16 de seteme ath 30 de junh: dissabte, de 11.00 a 14.00 e de 17.00 a 19.00 ores; dimenge, de 11.00 a 14.00 ores

Setmana Santa: de dimars a dissabte, de 11.00 a 14.00 e de 17.00 a 19.00 ores; dimenge, de 11.00 a 14.00 ores           

Dies de barrament: deluns; 25 e 26 de deseme; 1 e 6 de gèr; obrèrs deth 16 de seteme ath 30 de junh, exceptat en Setmana Santa

ADREÇA ELECTRONICA

museucd@parc-cretaci.com