Eth parc arqueologic

Eth recorrut peth parc arqueologic, qu’aucupe ua superfícia de dues ectares, se pòt realizar per quauqu’uns des carrèrs dera ciutat com eth cardo maximus, qu’ère eth carrèr principau dera ciutat, eth cardo minor e er intervallum, e mos permet descurbir ua ciutat damb un urbanisme ortogonau, damb diuèrses rèstes d’arquitectura domestica e publica:

- Un tram dera muralha que, damb una amplada entre tres mètres e miei e quate mètres e hèta de grani blòcs de pèira en sec, protegie e definie un perimètre urban damb ua estenuda estimada ath torn des vint ectares. Era muralha consèrve era pòrta nòrd dera ciutat, flanquejada en sòn costat oèst per ua tor.

- Cases des prumèrs moments dera vila romana e, sustot, ua grana casa senhoriau d’epòca naut imperiau, ua domus organizada a compartir d’un jardin damb peristil, damb dus correders e diuèrses crambes coma un minjador, a on s’a localizat un mosaic; sales d’estar, a on s’an trobat pintures muraus; quauqui dormitoris e ues tèrmes privades.

- Tèrmes publiques que, bastides iniciaument en epòca republicana, sigueren agranides considerablament a miei sègle i dC enquia aucupar ua superfícia de 2.000 mètres quarrats, e configurant un espaci damb diuèrses crambes e piscines a on subergés ua grana natatio, ua piscina ar aire liure de dètz mètres de longada per sies mètres d’amplada.

- Un cerèr, dera segona mitat deth sègle v dC, deth quau se consèrve era basa d’ua premsa e eth lòc a on caushigauen er arradim.