Pagesi e comerçants ena antiquitat

Entre es sègles VI aC e V dC, ena còsta dera embocadura der arriu Lhobregat, alavetz navegable, i auec un gran nombre d’establiments d’epòca ibèra e romana. Ne profitauen es possibilitats agricòles e, mès que mès, era situacion estrategica entàs escambis comerciaus.

En aguesti sègles era agricultura s’intensifique. Ja ena epòca romana, s’oriente pleament de cap ath comèrç. Era Mediterranèa ven ua grana via de comunicacion entà vaishèths cargadi d’anfòres damb cereaus, vin o consèrves de peish, metaus e objèctes somptuaris.

En Gavà, era peada d’aguestes epòques la trobam enes poblats ibèrs, coma eth deth Calamot, es villes romanes o es rèstes de vaishèths en jadiment de Les Sorres. Aguest ei un testimòni dera linha d’ancoratge d’epòca romana e medievau, qu’aué se tròbe jos es tèrres deth delta deth Lhobregat e qu’a proporcionat trobalhes coma es rèstes des vaishèths e es sòns cargaments.